“FES uçot dərəcəsini iki dəfə artıracaq” – Açıqlama
Fyuçers bazarı iştirakçılarının ABŞ Federal Ehtiyat Sisteminin (FES) uçot dərəcəsini 2017-ci ildə keçiriləcək iclasların ikisində artıracağı ilə bağlı ehtimalları 62%-ə yüksəlib.
1news.az “Report”a istinadən xəbər verir ki, bunu "VTB24" bankının analitiki Aleksey Mixeyev bildirib.
Onun fikrincə, FES-in bugünkü iclasının nəticəsi artıq bir o qədər də önəmli deyil. Belə ki, hər kəs uçot dərəcəsinin artırılacağını bilir:
“Hətta aydındır ki, FES növbəti faiz artımı barədə də danışacaq. Amma, maliyyə bazarları 2017-ci ildə faizlərin iki iclasda artırılaraq 1-1,25%-ə çatdırılması ehtimalını 61,9% olaraq görürlər”.
Xatırladaq ki, FES 2015-ci ilin dekabrında uçot dərəcəsini tarixi minimal səviyyədən artıraraq 0,25-0,50%-ə çatdırıb. Bugünkü iclasda isə faizin 0,50-0,75%-ə çatdırılması gözlənilir.
1news.az
