Ölkə kubokunda yarımfinalçılar müəyyənləşir
Bu gün ölkə kubokunda 1/4 final mərhələsinə yekun vurulacaq.
1news.az-ın məlumatına görə, keçiriləcək 4 qarşılaşmadan sonra yarımfinalçılar müəyyənləşəcək.
Günün ilk oyunu Gəncədə keçiriləcək. “Kəpəz” ilk oyunda 2 cavabsız qolla uduzduğu “İnter”dən revanş almağa çalışacaq.
Sumqayıtda eyniadlı komanda “Qarabağ”la üz-üzə gələcək. İlk oyunda 6 cavabsız qolla qalib gələn Ağdam klubu cavab görüşünü formallığa çevirib.
Günün intiriqalı qarşılaşması Şüvəlanda keçiriləcək. İlk görüşdə səfərdə 2:1 hesabı ilə məğlub olan AZAL-ı bu görüşdə 1:0 hesablı qələbə qane edəcək.
İlin son oyunu paytaxtda baş tutacaq. İlk qarşılaşmada səfərdə “Zirə”yə 3 cavabsız qolla qalib gələn “Neftçi”nin bu üstünlüyü əldən verəcəyi inandırıcı deyil.
Azərbaycan kuboku
1/4 final, cavab qarşılaşmaları
21 dekabr (çərşənbə)
13:00. “Kəpəz” – “İnter”
Hakimlər: Rəhim Həsənov, Vaqif Musayev, Akif Əmirəli, Vüsal Qənbərov
Əlavə köməkçi hakimlər: Əliyar Ağayev, Elvin Əsgərov
AFFA nümayəndəsi: Abas Hüseynov
Hakim-inspektor: Rövşən Əhmədov
İlk oyun – 0:2
Gəncə şəhər stadionu
15:00. “Sumqayıt” – “Qarabağ”
Hakimlər: Rauf Cabbarov, Coşqun Həsənov, Cavanşir Yusifov, Rövşən Rəcəbov
AFFA nümayəndəsi: Məmmədəli Məmmədov
Hakim-inspektor: Füzuli Nəcəfov
İlk oyun – 0:6
Sumqayıt şəhər stadionu
16:00. AZAL – “Qəbələ”
Hakimlər: Fariz Yusifov, Yaşar Abbasov, Elman Musayev, Mehman Mahmudov
Əlavə köməkçi hakimlər: Rəvan Həmzəzadə, İnqilab Məmmədov
AFFA nümayəndəsi: Elbrus Abbasov
Hakim-inspektor: Əli Hüseynov
İlk oyun – 1:2
“AZAL Arena” (“CBC Sport”, canlı)
17:00. “Neftçi” – “Zirə”
Hakimlər: Ramil Diniyev, Azər Əsgərov, İsgəndər Əliyev, Ziya Nəsirov
AFFA nümayəndəsi: Ramiz Mustafayev
Hakim-inspektor: Asim Xudiyev
İlk oyun – 3:0
8-ci km qəsəbə stadionu
1news.az
