İlin ən yaxşı qapıçısının adı məlum oldu

Dünyada ilin ən yaxşı futbol qapıçısının adı açıqlanıb.

1news.az-ın məlumatına görə, Beynəlxalq Futbol Tarixi və Statistikaları Federasiyası (İFFHS) tərəfindən keçirilən “İlin ən yaxşı qapıçısı” üzrə sorğunun nəticəsinə əsasən Münhenin “Bavariya” futbol komandasının qolkiperi Manuel Noyer 2016-cı ilin ən yaxşı qapıçısı seçilib.

İFFHS-in rəsmi internet saytında 56 ölkənin media nümayəndələri və idman mütəxəssislərinin iştirakı ilə keçirilən sorğuda M.Noyer 156 xal toplayıb. Bununla da o, İtaliya millisinin və “Yuventus”un qapıçısı Canluici Buffon kimi ardıcıl dördüncü dəfə bu mükafatın sahibi olub.

C.Buffon bu dəfə 91 xalla ikinci, Portuqaliya milli komandasının və “Sportinq”in qolkiperi Rui Patrisio isə 50 xalla üçüncü yerdə qərarlaşıb.

1news.az