Azərbaycan şahmatçısı beynəlxalq turnirin qalibi olub

2-8 yanvar tarixlərində İsveçrənin Bazel şəhərində Beynəlxalq Şahmat Festivalı keçirilib.

Sportbox.az-ın məlumatına görə, 107 şahmatçının qatıldığı turnirdə ölkəmizi Eltac Səfərli, Nicat Abbasov və Vüqar Əsədli təmsil ediblər.

9 turun nəticələrinə görə 7 xal toplayan E.Səfərli yarışın qalibi olub.

Son turda o, həmyerlisi Nicat Abbasovla heç-heçə oynayıb. Şahmatçımız çinli Cin Şi Bay və fransalı Kristian Bauerlə eyni xal toplasa da əlavə göstəricilərə görə qalib elan olunub.

Sportbox.az