Vaşkunas Vitautas: Çox güclü komandaya qalib gəlmişik
Azərbaycan yığmasının hansı gücdə olduğunu ehtimal edirdik. Bu oyuna çox ciddi hazırlaşmışdıq.
1news.az-ın məlumatına görə, bunu FIFA-nın I vitse-prezidenti Valentin Qranatkinin xatirəsinə həsr olunmuş XXIX ənənəvi beynəlxalq turnirdə keçirdiyi ilk oyunda Azərbaycanın 19 yaşadək futbolçulardan ibarət milli komandasına 2:1 hesabı ilə qalib gələn Litva yığmasının baş məşqçisi Vaşkunas Vitautas deyib.
“Çox güclü komandaya qalib gəlmişik. Qələbə qazana bildiyimiz üçün özümü çox xoşbəxt hiss edirəm. Bəlkə bu gün o qədər də yaxşı çıxış edə bilmədik. Amma bugünkündən daha yaxşı oynamağı bacardığmızı düşünürəm. Və daha yaxşı oynaya biləcəyin halda qələbə qazana bilirsənsə, buna yalnız sevinmək lazımdır”- deyə, V.Vitautas qeyd edib.
1news.az
