#MFLstars: KOMFORT – “tikinti” uşaqları məhəllə futbolunun kralı olacaqları ilə bağlı planlarından danışıb – FOTO – VİDEO
Etiraf edirəm ki, həvəskar arasında ən iri mini futbol liqası MFL-də çıxış etmiş KOMFORT şirkətinin icraçı direktoru, eləcə də eyniadlı komandanı sponsoru Fərid Qəhrəmanovla müsahibəyə hazırlaşarkən qarşımda uşaqlara kömək etmək üçün müraciət edilmiş və futboldan anlayışı olmayan mühüm müdir görəcəyimi düşünürdüm.
Lakin 1news.az komandası qarşısına enerji dolu, öz komandasına bütün qəlbi ilə azarkeşlik edən gənc çıxdı.
Fərid Qəhrəmanov əvvəllər “8-ci mikrorayon United” adı ilə çıxış edən komanda üzvlərindən heç kəsi tanımırdı. Bundan əlavə, “8-ci mikrorayon United” komandasına turnir reqlamentini pozduğu üçün (qəsdən olmasa da) həmin vaxt keçirilmiş bütün matçlar üzrə texniki məğlubiyyət verilmişdi.
Bu cərimə həvəskarlar liqasında futbolçunun oynamaq hüququ olmaması ilə bağlı verdiyi ərizə əsasında tətbiq edilib. Həmin zamanlar komanda spronsorlar üçün cəlbedici variant olmayıb.
Razılaşın ki, heç bi rəhbər öz komandasını sonuncu yerdə görmək istəməz. Lakin bu, qəhrəmanımızın diqqətini çəkib.
“MFL həvəskarlar liqasının keçirilməsi ideyası xoşuma gəldi. İstəyirdim ki, şirkətimizi bu ictimai layihə ilə bağlayaq və nəticəyə nail olaq”, - F.Qəhrəmanov qeyd edir.
KOMFORT oyunçuları öz komandalarından danışır
O, təşkilatçılarla əlaqə saxlayaraq bir neçə komanda ilə maraqlanıb. Və sonda “8-ci mikrorayon United” komandası üzərində dayanıb. İndi isə bu komada KOMFORT adlanır. Həmin zamanlar cəriməyə görə komandanın 0 xalı vardı. Lakin bununla yanaşı onlar yaxşı oynayırdırlar.
“Mən risk etməyi sevirəm. Və düşündüm ki, komandanı sıfırdan dəstəkləmək, eləcə də onu yüksəklərə qaldırmaq yaxşı olardı. Bu, mənim şəxsi təşəbbüsüm idi. Heç kəs şirkətdən bu addımı atmağa təklif etməyib”.
Fərid Qəhrəmanov bizimlə söhbər zamanı bildirib ki, o, təkcə komandanın necə oynadığına diqqət etməyib:
“Çox vacibdir ki, hər kəs şirkətlə əməkdaşlığa məsuliyyətli yanaşısın. Komanda ilə görüşdüm, uşaqlarla söhbət etdim, eləcə də kapitanla çox ünsiyyət saxladım. Kimsə yaxşı futbolçu ola bilər. Lakin meydandan kənar da özünü şərəfli aparmaq lazımdır. Bunu onlarla aydınlaşdırdım. Belə ki, onlar artıq şirkəti təmsil edirlər. Onar işə məsuliyyətli yanaşdılar. Buna görə də tez bir zamanda razılığa gəldik”.
Şirkətin icraçı direktoru həmçinin əməkdaşlığın bir sıra məqamlarını da diqqətə çatdırıb. Peşəkar futbolda olduğu kimi, müvəffəqiyyətlər həvəsləndirilir. Uğurlu çıxış zamanı furbolçuları mükafatlar gözləyir:
“Çalışıram ki, uşaqlara dəstək göstərim, onların futbolla bağlı bütün problemlərni həll edim. Onların məşq etmək üçün yeri, oyun formaları olsun. Onlara söz vermişəm ki, yaxşı nəticə əldə edərlərsə bunu qiymətləndirəcəyik. Xüsusən də, ilk üçlüyə düşərsə, onlara mükafat veriləcək. Gəlcəkdə isə bu əməkdaşlıq daha da dərinləşə bilər”.
Bundan əlavə, Fərid Qəhrəmanov bildirib ki, komanda oyunçu transferi də həyata keçiriblər. Belə ki, rayondan futbolçu dəvət edərək onun üçün mənzil kirayələyiblər, komandaya kömək etməsi üçün ona bütün şərait yaradılıb.
Dünya idman spronsorluğunda müyyən dividentlərin alınması üçün reklam, piar etmək nəzərdə tutulur. F.Qəhrəmanov isə qeyd edir ki, onun üçün geri dönüş yaxşı nəticədir:
“Məqsədim MFL vasitəsilə layihəmizin irəli çəkilməsindən, çıxışı və cavan auditoriyaya qoşulmasından ibarətdir. Hazırda şirkətimiz Nazirlər Kabinetinin təsdiq etdiyi yararsız evlərin sökülməsi, onların yerində yeni komplekslərin tikilməsi üçün dövlət lahihəsi ilə məşğuldur.
Bundan əlavə, bu, özünəməxsus formada ictimai fəaliyyətdir. Bununla da kütləvi futbolun inkişafı üçün vacib rol oynayan MFL ilə oxşarlığımız var. Oyunlara gedərək gənclər tərəfindən matçlara marağın artığının şahidi olmuşam. Daha sonra isə hər şeyin hansı səviyyədə təşkil olunduğu ilə maraqlandım. Bildim ki, liqaya AFFA dəstək göstərir. Və biz də, şirkət olaraq bu layihəyə qoşulmağa qərar verdik”.
KOMFORT üçün kluba sponsorluq etmək yenilik deyil. Belə ki, şirkət 2005-ci ildən “Gəncə” futbol klubuna sponsorluq edib və bir neçə il onu dəstəkləyib.
“Bu klubu inkişaf etdirikdik. Lakin bir sıra səbəblərə görə, əməkdaşlığı dayandırdıq. Biz tikinti şirkətiyiq, imkanlarımıza uyğun olaraq bu və ya digər addımlar atmalıyıq”.
Liqa haqda danışan Fərid Qəhrəmanov bildirib ki, çempionatın operativ surətdə işıqlanıdırlması çox xoşuna gəlib:
“Oyun zamanı Facebook vasitəsilə matçın birbaşa yayımlanması çox xoşuma gəlir. Bəzən matçları izləmək çox maraqlı olur. Bundan əlavə, operativlik də çox xoşuma gəlir. Hər zaman MFL saytına daxil olaraq orada lazımi məlumat əldə edə bilirəm. Belə ki, hər zaman oyunlara gedə bilmirəm.
Hər zaman uşaqlara deyirəm ki, məni zəif rəqiblərlə oyuna çağırmayın. Məni liderlərə qalib gəlmək maraqlanıdırır. Vaxtım olanda onların oyununa gedirəm. Eləcə də əməkdaşlarımız komandanın oyunlarına gedirlər”.
Fərid Qəhrəmanov qeyd edir ki, MFL – sağlam həyat tərzi üçün təbliğatdır.
“İdman – öz-özlüyündə fəaliyyət növüdür. Sağlam həyat tərzi isə düşüncə tərzindən və idmana yanaşmaqdan başlayır. Heç bir şəraitdə öz mənliyini itirməməlisən. Və bu, tez ya da gec öz nəticələrini idmanda da büruzə verir.
Futbol meydanında özünü göstərməklə yaxşı futbolçu ola bilməzsən. Futbolçu deyil, komanda qalib gəlir. Şirkətimizdə də uğur əldə etməyimiz komanda ilə birlikdə işdən asılıdır”.
KOMFORT şirkətinin icarıcı direktoru sonda qeyd edir ki, MFL-də ən yaxşı nəticə onu qane edir:
“İdman prinsipialığı sevir. Buna görə də komandamız qalib gəlməlidir. Hər şeydə üstünülüyü sevirəm. Buna görə də mənə KOMFORT şirkətinin MFL-də elə-belə iştirakı lazım deyil. Mənin üçün ən vacibi komandanın nəticə əldə etməsidir. Mən onlar üçün imkan daxilində hər şey edirəm və nəticələr gözləyirəm. Uşaqlara, eləcə də onların qalib gələcəyinə inanıram”.
1news.az
MFL-i onlayn izləyin:
