Yol Polisi İdarəsi gücləndirilmiş iş rejiminə keçib
Hava şəraiti ilə əlaqədar Bakı Şəhər Dövlət Yol Polisi İdarəsi gücləndirilmiş iş rejiminə keçib.
1news.az-a İdarənin bölmə rəisi, polis polkovniki Vaqif Əsədov verdiyi xəbərə görə, yol polisləri Bakı Şəhər İcra Hakimiyyətinin qış qarajı ilə birlikdə yollarda fasiləsiz xidmətə başlayıblar.
Artıq problemli ərazilər nəzarətə götürülüb, şəhərin yüksək hissələrində yollara qum və duz tökülüb, texnikalar hazırlıqlı vəziyyətə gətirilib. Bunun nəticəsidir ki, yollarda nəqliyyatın hərəkətində intensivlik var. Hazırda yollarda vəziyyət normaldır, amma paytaxtın yüksək ərazilərində sürüşmə ehtimalları var.
Bakı Şəhər Dövlət Yol Polisi İdarəsi sürücülərdən xahiş edir ki, bu günlərdə şəxsi avtomobillərdən az istifadə etsinlər, əsasən ictimai nəqliyyata üstünlük versinlər.
1news.az
