Bakıda yoxa çıxan məktəbli qız tapıldı - YENİLƏNİB
Dünən Bakının Nərimanov rayonu ərazisində itkin düşən 18 yaşlı qız tapılıb.
1news.az lent.az-a istinadən xəbər verir ki, 11-ci sinif şagirdi olan N.K-nın oxuduğu 202 saylı orta məktəbin direktoru Qasım Qasımov Lent.az-a bildirib ki, dünən evə gec gedən məktəblinin anası təşvişə düşərək polisə müraciət edib:
“Həmin qızın qardaşı qızılca olub, ona görə də bu gün məktəbə gəlməyib. Mən əlaqə saxlayıb maraqlandım, uşaq hazırda evlərindədir”.
11:12
Paytaxtda məktəbli itkin düşüb.
1news.az xəbər verir ki, bu barədə Nərimanov rayon Polis İdarəsindən APA-ya məlumat verilib.
Bildirilib ki, rayon sakini, 1999-cu il təvəllüdlü N. K.-nın itkin düşməsi barədə polisə məlumat daxil olub.
Valideynlərinin dediyinə görə, 202 saylı orta məktəbin 11-ci sinfində oxuyan N. K. ötən gün saat 14.00 radələrində məktəbdən çıxıb, ondan sonra barəsində heç bir xəbər yoxdur.
Hazırda polis onun tapılması istiqamətində axtarışları davam etdirir.
1news.az
