Messidən çağırış: “Müharibəyə son qoyulsun!”

Argentina millisinin və “Barselona”nın hücumçusu Lionel Messi humanist çağırışla çıxış edib.

1news.az-ın məlumatına görə, ulduz futbolçu şəxsi “facebook” səhifəsində Suriyada davam edən müharibə ilə bağlı bunları yazıb: 
 
“Bir günlük müharibə belə çox ağırdır. Suriyalı uşaqlar isə artıq 6 ildir zorakılığın və müharibənin mərkəzində əsir qalıblar. Bir ata kimi və UNİCEF-in səfiri kimi bu, mənim ürəyimi ağrıdır. Bu müharibəyə son qoyulması üçün  siz də səsinizi UNİCEF-ə göndərin”.
 
Qeyd edək ki, dekabrda “Real”ın ulduz futbolçusu Kriştiano Ronaldo da müharibədən əziyyət çəkən suriyalı uşaqlarla bağlı müraciət etmişdi.

1news.az