Salyanda maşın hasara çırpılıb: Sürücü ölüb, sərnişin xəsarət alıb

Salyan rayonunda  ölümlə nəticələnən yol-nəqliyyat hadisəsi baş verib.

1news.az-ın Daxili İşlər Nazirliyinə istinadən verdiyi xəbərə görə, martın 20-də saat 2 radələrində Salyan rayonunun Kürqaraqaşlı kəndi ərazisində rayon sakini Fərhad Əliyev idarə etdiyi “Mercedes” markalı avtomobili yolun kənarındakı hasara vurub.

Nəticədə sürücü hadisə yerində ölüb, sərnişininə xəstəxanada ilkin tibbi yardım göstərildikdən sonra buraxılıb.

Faktla bağlı Salyan RPŞ tərəfindən araşdırma aparılır.

1news.az