Hamamdan açar oğurlayaraq maşın qaçıran şəxslər tutulub

Başqasının avtomobilini qaçıran şəxslər polis əməkdaşları tərəfindən saxlanılıb.

1news.az xəbər verir ki, bu barədə Daxili İşlər Nazirliyindən məlumat veriblər.

Məlumata görə, martın 19-da Sabunçu rayonunun Bakıxanov qəsəbəsindəki hamamlardan birində dolabdan 150 manat pul, “Mitsubishi” markalı avtomobilin açarları oğurlanıb və avtomobil qaçırılıb.

Sabunçu RPİ 13-cü PB əməkdaşlarının keçirdikləri əməliyyat-axtarış tədbirləri ilə hadisəni törətməkdə şübhəli bilinən paytaxt sakinləri Elçin Qəhrəmanov və Azər Həmidov tutulublar.

1news.az