Dmitri Nazarov: “Dünya çempionuna qol vurmaq inanılmaz hissdi”

“Dünya çempionuna, ailəmlə birlikdə yaşadığımız ölkənin yığmasına qarşı oynamaq və qol vurmaq inanılmaz hissdi”.

1news.az-ın məlumatına görə, bu sözləri millimizin futbolçusu Dmitri Nazarov deyib.

DÇ-2018-in seçmə mərhələsi çərçivəsində Almaniya yığmasını qəbul edən millimiz 1:4 hesabı ilə uduzub.

Qarşılaşmadan sonra alman mətbuatına açıqlama verən Nazarov oyunla bağlı fikirlərini bölüşüb:

“Qrupda Almaniyaya heç kim qol vura bilmirdi. Stadion azarkeşlərlə tam dolmuşdu. Bu, azərbaycanlıların oyuna olan marağını göstərirdi. Hesabı bərabərləşdirdikdən sonra dərhal qol buraxdıq və bu, bizi şoka saldı. Vəziyyəti dəyişmək artıq çətin idi”.

1news.az