Bu günə kimi 760 mindən çox mina və MPQ zərərsizləşdirilib
Bu günə kimi 398, 670, 503 m2 ərazi mina və partlamamış hərbi sursatdan (PHS) təmizlənib və 760,344 mina və MPQ zərərsizləşdirilib.
Bu barədə 1news.az-a Azərbaycan Ərazilərinin Minalardan Təmizlənməsi üzrə Milli Agentlikdən (ANAMA) məlumat veriblər.
Məlumata görə, Mina Təhlükəsinə dair Maarifləndirmə fəalliyyəti çərçivəsində 26 rayonun 1200 məktəbinin 3,635 müəlliminə 195 MTM təlimləri keçirilib, proqram üzrə dərslərin tədrisi təmin edilib, 10 rayonun 158 kəndində “MTM üzrə qruplar yaradılıb, proqram çərçivəsində 100,000 dərslik, 6,500 müəllim vəsaiti və 21,000-dən çox təlim plakatı paylanıb.
Minadan zərərçəkənlərə yardım fəaliyyəti çərçivəsində mina qurbanlarının tibbi müayinəsi, onların sanatoriyalarda müalicə olunması, mina qurbanları və ya onların ailə üzvləri üçün toxuculuq və tikiş kurslarının təşkili, əlillərin cəmiyyətə inteqrasiya edilməsi məqsədilə peşə yönümlü kursların təşkili və ailələrinin gəlir əldə edilməsinə şərait yaradılması, şikəst olmuş zərərçəkənlərə əlil arabalarının paylanması, icma səviyyəli biznes təlimləri və micro-kredit dövriyyə fondu layihələri həyata keçirilir.
1news.az
