Azərbaycan adına yeni bir uğur – DAA BMT-nin İqtisadi və Sosail Şurası tərəfindən qeydiyyata alındı
Dünya Azərbaycanlıları Assambleyası (DAA) daha bir uğura imza atıb.
1news.az-a Assambleyadan verilən xəbərə görə, Assambleya Birləşmiş millətlər Təşkilatının İqtisadi və Sosial Şurası tərəfindən qeydiyyata alınıb.
“Bundan sonra Dünya Azərbaycanlıları Assambleyası BMT-nin toplantılarına qatıla, öz təklif və tövsiyyələri ilə çıxış edə bilər, BMT-nin İqtisadi və Sosial Şurasının fəaliyyəti proqramlarına özünün tövsiyyələrini irəli sürə bilər. Bununla Assambleya həmçinin BMT rəhbərliyi ilə birbaşa əlaqə imkanlarına sahibdir” - deyə DAA-ya ünvanlanmış məktubda deyilir.
Qeyd edək ki, Assambleya bir neçə gün öncə Avropa İttifaqı və Avropa Parlamentində də lobby qurumu olaraq qəbul edilmiş, Avropanın mötəbər qurumlarına birbaşa çıxış imkanı əldə edib.
DAA 206-cı ilin sentyabrın 6-da Alman Federativ Respublikası məhkəmə orqanı və ədliyyə orqanı tərəfindən beynəlxalq ictimai təşkilat olaraq qeydiyyata alınıb.
1news.az
