“Neft Daşları” yatağında yeni quyu istismara verilib

“Neft Daşları” yatağındakı 1637A nömrəli estakadayanı meydançadan 2651 nömrəli quyu qazmadan sonra istismara verilib.

SOCAR-ın mətbuat xidmətindən 1news.az-a verilən məlumata görə, quyu məhsuldar qat çöküntülərinin qirməki altı lay dəstəsindən qazlift üsulu ilə məhsul verib, 1392-1387 metr intervaldan sutkalıq 11 ton neft hasilatı ilə istismar fonduna qəbul edilib.

Quyuda istismar işləri “Azneft” İstehsalat Birliyinin “Neft Daşları” neft və qazçıxarma idarəsi (NQÇİ) tərəfindən həyata keçirilir.

1news.az