Xalq artisti Ramiz Zöhrabov vəfat edib
Xalq artisti, bəstəkar, musiqişünas alim, sənətşünaslıq doktoru Ramiz Zöhrabov vəfat edib.
1news.az xəbər verir ki, bu barədə APA-ya Bəstəkarlar İttifaqının sədri Firəngiz Əlizadə məlumat verib.
Vida mərasimi bu gün saat 12:00-dan 14:00-dək Təzəpir məscidində keçiriləcək. Bəstəkar II Fəxri xiyabanda dəfn olunacaq.
Ramiz Zöhrabov 1939-cu il mayın 2-də Bakı şəhərində anadan olub.
"Şöhrət" ordeni ilə təltif olunmuşdu, Prezident təqaüdçüsü idi.
Ramiz Zöhrabovun oğlu rejissor Rəşad Zöhrabovu 22 oktyabr 2016-cı ildə avtomobil vurub və ağır vəziyyətdə xəstəxanaya yerləşdirilib, koma vəziyyətində olub. Həkimlərin səyinə baxmayaraq, həyatını xilas etmək mümkün olmayıb. Faciəli şəkildə dünyasını dəyişən rejissorun dörd övladı var idi.
1news.az
