130 gəncin intiharına səbəb olan internet oyun - FOTO

Rusiyada “Blue whale” (Mavi balina) adlı oyunun gənclər arasında intihara səbəb olduğu iddia edilir.

1news.az xarici KİV-ə istinadən xəbər verir ki, son 76 ayda intihar etmiş 130 gəncin ortaq nöqtəsinin bu oyun olduğu bildirilir.

Məlumata görə, oyunçular 50 günlük bir usta ayrılır və hər gün bir təlimatı yerinə yetirməsi istənilir. Hər gün gənclərə gecə uyanararaq qorxu filmi izləmələri, özlərinə acı vermələri və buna bənzər müxtəlif təlimatlar verilir. 50-ci günün sonunda istifadəçilərə intihar etmək tələbi qoyulur. Çox təəssüf ki, bunu edən 130-a qədər gəncin olduğu iddiası var.

15 yaşlı Yulia Konstantinova, 16 yaşlı Veronika Volkova özlərini binadan ataraq intihar ediblər. İntihar səbəbi kimi “Mavi balina” göstərilir.

Çita şəhərində 14 yaşlı bir qız da özünü qatarın altına ataraq intihar edib. Yenə səbəb eynidir.

Həmin gənclərin intihardan öncəki günlərdə sosial mediada paylaşdıqları fotolar isə həqiqətən qorxuncdur. Görünən odur ki, gənclər oyunun tam təsirinə düşüblər.

Oyunla bağlı vəziyyət o həddə çatıb ki, bəzi məktəblərin rəhbərliyi şagirdlərin valideynlərinə səslənərək xəbərdarlıq ediblər.

Ümid edirik ki, Azərbaycanda gənclər bu tip oyunlara maraq göstərməzlər.

Fərid Ədalət