Azərbaycanda oxuyan saç ustası gənc xanımı bu hala saldı

Türkiyədə tibb bacısı işləyən 22 yaşlı Merve Kalaş uğursuz estetik əməliyyatın qurbanı olub.

1news.az “Hurriyet”ə istinadla xəbər verir ki, Kalaş internetdə özünü estetik mütəxəssis olaraq tanıdan saç ustası Soner G.'yle tanış olub.

O, dodağını dolğu etdirmək istədiyini deyib. Azərbaycanda təhsil aldığını iddia edən  Soner G. əvvəl 500 lirəyə müvəqqəti dodaq dolğusu edib. Amma bir həftə ərzində dolğu əriyincə bu dəfə 1000 lirəyə silikon etdirib. O, klinika təmirdə olduğu üçün əməliyyatı evdə edəcəyini söyləyib.

Gənc qadının dodaqları əməliyyatdan yarım saat sonra  şişməyə başlayıb. Bir gün sonra Sonerə zəng edərək dodaqlarında dözülməz bir ağrı hiss etdiyini söyləyib.

“Həkim” ona infeksiyaya yoluxduğunu və xəstəxanaya getməli olduğunu vurğulayıb. Xəstəxanada Mervəyə antibiotik yazılıb evə göndərilib. Lakin dodağındakı şişlik və ağrı keçməyib.

Çalışdığı xəstəxanaya müraciət edən gənc xanıma dodağına məlum olmayan bir maddənin yerləşdirildiyini və onun alergiya verdiyi deyilib. Üç həftədir müalicə alan Mervə bu həftə əməliyyat ediləcək.

Əgər istifadə olunan  maddə  çıxarılmasa, o zaman dodaqları tamamilə götürüləcək.

Pərvanə Sultanova