Taksi sürücüsü sərnişininin unutduğu 1,5 milyon avroluq rəsm əsərini sahibinə qaytardı

Fransanın paytaxtı Parisdə taksi sürücüsü sərnişininin unutduğu 1,5 milyon avroluq rəsm əsərini sahibinə qaytarıb.

1news.az-ın Gazeta.ru-ya istinadən verdiyi xəbərə görə, incəsənət əşyalarının alqı-satqısı ilə məşğul olan sərnişin italyan rəssamı Laço Fontanın əl işi olan bahalı rəsm əsərini maşında unudaraq gedib.

Sonradan bundan xəbər tutan həmin şəxs polisə müraciət edib və nəticədə taksi sürücüsü rəsm əsərini sahibinə geri qaytarıb.

Qeyd edək ki, söhbət Fontanın 1965-ci ildə çəkdiyi və “Concetto spaziale” seriyasından olan əsərindən gedir. Onun bəzi əsərləri hərraclarda on milyonlarla avro dəyərində qiymətləndirilir.

Babək Cahandarov