“Kəpəz”dən 3 yeni transfer

Transfer çalışmalarını davam etdirən “Kəpəz” heyətinə 3 futbolçu cəlb edib.

1news.az-ın klubun rəsmi saytına istinadən yaydığı xəbərə görə, Gəncə təmsilçisi müdafiəçi İlyas Səfərzadə, yarımmüdafiəçi Kamran Abdullazadə və hücumçu İlkin Sadıqovu heyətinə qatıb.

Hər 3 futbolçu ilə 1 illik  müqavilə imzalanıb.

Belə ki, “Kəpəz” Davud Kərimi, Şəhriyar Rəhimov, Şəhriyar Əliyev, Novruz Məmmədov, Azad Kərimov, Kərim Diniyev, Orxan Əliyev, Vüqar Bəybalayev, Ceyhun Cavadov və Tural Rzayevlə müqavilənin müddətini artırıb.

Qeyd edək ki, əvəzində klub Tural Axundov, Dario Federiko, Nicat Qurbanov, Tural Qürbətov, Eyyub Əliyev və Tural Nərimanovla yollarını ayırıb.

1news.az