İslamiada: Millimiz finalda, Kamerun Omana qarşı – FOTO – VİDEO
IV İslam Həmrəyliyi Oyunlarında futbol yarışlarının ilk finalçısının adı məlum olub.
1news.az-ın məlumatına görə, qrupda keçirdiyi 3 görüşün 1-də qələbə qazanıb, 2-də isə heç-heçə edən U-23 millimiz digər qrupun lideri Əlcəzair yığması ilə qarşılaşıb.
Rəqibindən daha yaxşı oyun sərgiləyən Yaşar Vahabzadənin yetirmələri Ruslan Abışov və Məqsəd İsayevin qolları ilə 2:0 hesabı ilə qalib gələrək finala vəsiqə qazanıb.
İslamiadada hələ də qapısının toxunulmazlığını qoruyan millimiz mayın 21-də keçiriləcək final görüşündə bu gün saat 18:30-da start götürəcək Kamerun – Oman cütlüyünün qalibi ilə qarşılaşacaq.
İslam Həmrəylik Oyunları
Futbol
Yarımfinal
Əlcəzair – Azərbaycan - 0:2
Qollar: Ruslan Abışov, 39; Məqsəd İsayev, 58
Baş məşqçi: Yaşar Vahabzadə
“Dalğa Arena”
Babək Cahandarov
