Marqo Ellis: USAID Azərbaycanla əməkdaşlığın dərinləşməsi istiqamətində fəaliyyətini davam etdirəcək
ABŞ və Azərbaycan hökumətləri arasında 25 ildir uğurlu tərəfdaşlıq əlaqələri mövcuddur.
1news.az AZƏRTAC-a istinadən xəbər verir ki, bu sözləri ABŞ-ın Beynəlxalq İnkişaf Agentliyinin (USAID) administratorunun Avropa və Avrasiya Bürosu üzrə müavini vəzifəsini icra edən Marqo Ellis Bakıda keçirdiyi mətbuat konfransında deyib.
Xanım Marqo Ellis Azərbaycana səfəri zamanı keçirdiyi görüşlər barədə məlumat verib. Qeyd edib ki, ABŞ Azərbaycan hökuməti tərəfindən QHT-lərin qeydiyyatı zamanı “vahid pəncərə” sisteminin tətbiqini yüksək qiymətləndirir. Təmsil etdiyi qurumun öz proqramlarını qeyri-hökumət təşkilatları vasitəsilə həyata keçirdiyini deyən M.Ellis bu səbəbdən QHT-lərin qeydiyyatı məsələsinin ABŞ hökuməti üçün önəm daşıdığını qeyd edib. O, USAID-in Azərbaycanla əməkdaşlığın dərinləşməsi istiqamətində fəaliyyətini davam etdirəcəyini vurğulayıb.
1news.az
