Millimiz Makedoniya yığmasına qalib gəlib

Makedoniyanın Skopye şəhərinə təlim-məşq toplanışında olan 17 yaşadək futbolçulardan ibarət Azərbaycan yığması yoldaşlıq oyunu keçirib.

1news.az-ın AFFA-ya istinadən verdiyi xəbərə görə, Makedoniyanın U-17 komandası ilə qarşılaşan yığmamız 2:0 hesabı ilə qələbə qazanıb. Hər iki qolu Turan Vəlizadə vurub.

Xatırladaq ki, bu komandalar arasında mayın 17-də keçirilmiş ilk oyun 1:1 hesablı bərabərliklə başa çatmışdı.

Babək Cahandarov