"Bakı2017"nin bağlanış mərasimi “Birlik” adlı konsertlə yekunlaşıb
IV İslam Həmrəyliyi Oyunlarının bağlanış mərasimində “Birlik” adlı konsertlə başa çatıb.
1news.az-ın məlumatına görə, tamaşaçılar qarşısında Miri Yusif, Səmra Rəhimli, Nigar Camal, Səbinə Babayeva və Eldar çıxış edib.
Natiq ritm qrupunun ifasında “Qarabağ” mahnısı səsləndirilib.
Müğənni Tünzalə Ağayeva “Sürət – 2017 Azərbaycan Qran-Prisi” mahnısını səsləndirərkən 30 səhnə iştirakçısı Bakı şəhər halqasını təsvir edən əsas səhnədə işıq saçan çubuqlarla rəqs edir.
Müğənni “Birlik” konsertini “Bakı-2017” könüllülərinə həsr olunmuş “Salam Bakı” himni və “Mən Azərbaycanlıyam” mahnısı ilə yekunlaşdırıb.
Yaddaşlarda dərin iz qoyan, tarixə çevrilən IV İslam Həmrəyliyi Oyunlarının bağlanış mərasimi möhtəşəm atəşfəşanlıqla başa çatıb.
1news.az
