Səfir: "Azərbaycan-Meksika turizm sektorunda üç qat artım müşahidə olunur"
Meksika səfiri Rodrigo Labardini Azərbaycandakı fəaliyyətinin ikinci ildönümünü qeyd edir.
1news.az-a səfirlikdən verilən məlumata görə, Labardini diplomatik nümayəndəliyinin açılmasından 8 ay sonra Meksikanın Azərbaycandakı ilk səfiri kimi işə başlayıb.
Səfirin gəlişi ilə çoxsaylı sahələrdə keçirilən tədbirlər proqramı fəallaşdı. Mədəni tədbirlərin müxtəlifliyi Azərbaycan publikasına Meksika mədəniyyətinin xüsusiyyətləri ilə tanış olmağa imkan yaratdı. Bu dövr ərzində baş tutan ikitərəfli səfər və görüşlər sayəsində siyasi, iqtisadi və ticari əlaqələr inkişaf etdirdi.
Ələxsus, hər iki ölkənin səfirliklərinin açılması ikitərəfli ticarət artımını stimullaşdırdı. 2014-2015-ci illər ərzində ticarət, üç qat artaraq, 22 milyon dollardan artıq təşkil edib. Oxşar rəqəmlər 2016-ci ilə də aiddir. Bu artım ticarətin yeni orta göstəricisini əks etdirir. Hazırkı rəqəmlər, hələ ki, ölkələr arasında mövcud potensiala cavab vermir. Eyni şəkildə, ikitərəfli turizm sektorunda da üç qat artım müşahidə olunur.
Azərbaycan ictimaiyyətinin maraq göstərdiyi sahələrdən biri də Meksika mədəniyyəti və mətbəxidir. Ənənəvi Meksika mətbəxi YUNESKO tərəfindən bəşəriyyətin qeyri-maddi irsi kimi tanınır. Bu mədəni ifadə yalnız dadları və ənənələri deyil, eyni zamanda, həyat tərzləri, təbiət və bolüşmək formalarını da təqdim edir.
Bu xüsusda, 23-cü Azərbaycan Beynəlxalq Qida Sənayesi Sərgisinə gələn qonaqların Meksika pavilyonuna göstərdikləri marağı yada salmaq olar. Pavilyonda Meksika istehsalı olan 16 kateqoriyalı məhsullar təqdim olunub, onların arasında üyüdülmüş çili bibəri, çili bibəri tərkibli şirniyyatlar, meyvələr, içkilər, noxud və lobya kimi dənli bitkilər, həmçinin, pivə, tekila və mezkal.
Adıçəkilən dövr ərzində Meksikanın müxtəlif ənənəvi və müasir filmləri təqdim olunub, onlardan bəziləri Azərbaycan dilinə tərcümə edilib. Həmçinin, qeyd etmək lazımdır ki, Meksika rəssamlıq nümunələri yalnız Bakıda deyil, eyni zamanda Azərbaycanın digər şəhərlərində nümayiş olunub. Belə ki, 2016-ci ildə səyyar rəssamlıq sərgisi Gəncə, Mingəçevir, Qəbələ və Şamaxı şəhərlərində keçirilib. Hal-hazırda isə, meksikalı heykəltəraş Xorxe Marinin əsərləri Heydər Əliyev Mərkəzində nümayiş olunur. Sərgi 2016—ci ilin oktyabr ayında açılmış və hazırkı ilin avqust ayının sonlarınadək uzadılıb.
Səfirlik, bundan sonra da, Meksika ilə Azərbaycan arasında dostluğu inkişaf etdirərək ikitərəfli münasibətlərin fəal təşviqini həyata keçirəcək.
Pərvanə Sultanova
