Qətər məsələsi neftin qiymətinə necə təsir edəcək? - Şərh
“Bir neçə ərəb dövlətinin Qətərlə diplomatik əlaqələrini kəsməsi neftin dünya bazar qiymətinə artıq təsir göstərməkdədir. Bəzi gözləntilərin əksinə olaraq neftin qiymətində azalmalar müşahidə edilir”.
1news.az-ın məlumatına görə, bu barədə iqtisadçı ekspert Vüqar Bayramov bildirib.
O qeyd edib ki, artıq Brent markalı neftin bir barelinin qiyməti 50 dollardan aşağıdır. Texas markalı neftin bir bareli isə 47 dollara yaxınlaşır:
“Qiymətin aşağı düşməsi OPEC-ə üzv olan ölkələr arasındakı diplomatik gərginliklə bağlıdır. Belə ki, bu gərginliyə görə OPEC-in hasilatın azaldılması ilə bağlı öhdəliklərin yerinə yetirilməməsi riski dünya bazarına təsir göstərməkdədir. Praktik olaraq, “Qətər məsələsi” OPEC üzvlərini iki fərqli cəbhəyə ayırıb. Bu isə tərəflərin neft hasilatının azaldılması ilə bağlı öhdəliklərə necə əməl eməsinin monitorinq imkanklarnı xeyili məhdudlaşdırır. Digər tərəfdən isə, gələcəkdə hasilatın daha böyük həcmdə azaldılması ilə bağlı gözləntilərin də üstündən xətt çəkmiş olur. Sədiyyə Ərəbistanın Qətər blokadası heç də bu ölkənin neft ixracatında problemlər yaratmayıb. Deməli, dünya bazarında neft təklifi dəyişməyib, amma bununla belə, bazarda qiymətləri azaldan ciddi psixoloji faktorlar var”.
İqtisadçının sözlərinə görə, Körfəz ölkələrində müşahidə edilən son diplomatık gərginlik OPEK-in neft bazarına təsir imkanlarını xeyili məhdudlaşdırmaqla yanaşı, hasilatın azaldılması ilə bağlı öhdəliklərin yerinə yetirilməsini xeyili çətinləşdirib:
“Bu isə nəticədə qiymətlərin azalmasını stimuallaşdırır. Əgər Qətərin neft ixracatında hər hansı azalmalar olmasa, neftin dünya bazar qiymətində daha kəskin enişlər istisna edilmir”.
P.Sultanova
