İkinci finalçı kim olacaq: Almaniya Meksikaya qarşı
Bu gün Konfederasiyalar Kubokunda ikinci yarımfinal oyunu keçiriləcək.
1news.az-ın məlumatına görə, Bakı vaxtı ilə saat 22:00-da start götürəcək görüşdə Almaniya və Meksika yığmaları üz-üzə gələcək.
Yoahim Löv komandasını turnirə ikinci heyətlə gətirdiyindən, heç də cütlüyün aşkar favoriti sayılmır.
Qeyd edək ki, Almaniya qrupda Avstraliya (3:2) və Kamerun (3:1) üzərində qələbə qazanıb, Çili ilə (1:1) bərabərə qalıb.
Meksika isə A qrupunda eyni göstəriciyə imza atıb (Portuqaliya – 2:2, Yeni Zelandiya – 2:1, Rusiya – 2:1).
Xatırladaq ki, dünən ilk yarımfinal oyununda Çili komandası penalti zərbələrində Portuqaliyaya qalib gələrək adını finala yazdıran ilk komanda olub.
FİFA Konfederasiyalar Kuboku-2017
Yarımfinal
29 iyun
22:00. Almaniya – Meksika
Soçi. “Fişt” stadionu
Babək Cahandarov
