Yakup Jezniçak rəsmən “Qarabağ”da - FOTO
Yeni mövsüm üçün heyətini gücləndirməyə davam edən “Qarabağ” növbəti transferini reallaşdırıb.
1news.az-ın klubun rəsmi saytına istinadən yaydığı xəbərə görə, Polşa millisinin sabiq üzvü və “Legiya”nın kapitanı Yakup Jezniçakla 2 illik müqavilə imzalanıb.
Mərkəz müdafiəçisi peşəkar karyerasına 2003-cü ildə Polşanın “Vidzev Lodz” klubunda başlayıb və cəmi bir il sonra Polşanın köklü klublarından “Legiya”ya transfer olub. 30 yaşlı yeni transferimiz son 13 ili “Legiya”da keçirib. Jezniçak “Legiya”da 5 dəfə Polşa Yüksək Liqasının, 6 dəfə ölkə kuboku və 1 dəfə də Polşa Super Kubokunun qalibi olub. Klub karyerasında 282 dəfə forma geyinən müdafiəçi 13 qolla yadda qalıb.
Polşalı futbolçu 9 dəfə də ölkəsinin əsas komandasına dəvət alıb. Mərkəz müdafiəçisi "Qarabağ"da 52 nömrəli formayla mübarizə aparacaq.
1news.az
