Tiflisdə insident: Gürcülər bayrağımızı oğurladılar

Çempionlar Liqasının II təsnifat mərhələsinin cavab oyunları çərçivəsində bir qədər sonra başlayacaq “Samtredia” – “Qarabağ” matçından öncə azarkeşlər arasında qalmaqal yaşanıb.

1news.az qol.az-a istinadən xəbər verir ki, xoşagəlməz olay matçın keçiriləcəyi Boris Payçadze adına “Dinamo” stadionunun önündə yaşanıb.

“Samtredia”nın 20-ə yaxın azarkeşi “Qarabağ” fanatlarına  hücum edib. Nəticədə əlbəyaxa dava düşüb. Yerli fanatlar Azərbaycan bayrağını "Qarabağ" fanatlarından alaraq qaçıblar. Polislər bayrağı oğurlayan gürcü azarkeşləri axtarışa başlayıb.

1news.az