Üç rayonda ev yanıb

Dünən axşam üç rayonda ev yanıb.

1news.az-ın Fövqəladə Hallar Nazirliyinə istinadən verdiyi xəbərə görə, Lerik rayonu, Monidigah kəndində vətəndaşa məxsus ümumi sahəsi 120 m2 olan birmərtəbəli 3 otaqlı evin yanar konstruksiyaları yanıb.

Bundan başqa Samux rayonu, Qarabağlılar kəndində vətəndaşa məxsus ümumi sahəsi 180 m2 olan birmərtəbəli 4 otaqlı evin çardağının yanar konstruksiyaları 16 m2 sahədə yanıb.

Eyni zamanda Ağcabədi şəhərində vətəndaşa məxsus ümumi sahəsi 300 m2 olan birmərtəbəli 5 otaqlı evin lambirdən ibarət tavanı və çardağı 36 m2 sahədə yanıb.

Evin qalan hissəsi yanğından mühafizə olunub.

Babək Cahandarov