“Azərbaycan gəncliyi 2017–2021-ci illərdə” Dövlət Proqramı çox əhəmiyyətli sənədlərdən biridir”
“Azərbaycan gəncliyi 2017–2021-ci illərdə” Dövlət Proqramının qəbul edilməsi cənab Prezidentin gənclərə yönəlik dövlət siyasətində davamlılığın, sistemli və kompleks yanaşmasının növbəti təzahürüdür və çox əhəmiyyətli sənədlərdən biridir”.
1news.az xəbər verir ki, bunu öz “Facebook” səhifəsində millət vəkili Vüsal Hüseynov yazıb.
O qeyd edib ki, proqram gənclərin fərdi inkişafı, məşğulluğu, sağlamlığı, intellektual, yaradıcı inkişafı və sair əhəmiyyətli məsələləri əhatə etməklə yanaşı eyni zamanda gənclərin ictimai aktivliyi, ictimai dəyər yaratmaları, vətənə bağlılığın möhkəmlənməsi, dövlətimizin güclənməsi prosesində daha aktiv iştirak etmələri və töhfə vermələri üçün imkanlar təmin edir:
“Bu imkanları görməli, istifadə etməli, strateji yanaşmalı, birgə səy göstərməli, dəstək olmalı və diqqətdə saxlamalıyıq. Bu proqram barədə məlumatları paylaşmalı və gəncləri onlar üçün müəyyən edilən imkanlar və gözlənilən tədbirlər barədə məlumatlı etməliyik. Təhsilli, bacarıqlı, ictimai aktiv gənclər hər bir ölkənin yüksək insan kapitalının və davamlı inkişafın təminatçısıdır. Biz vaxtında bu imkanlardan yararlanmışıq, indi dəstək olmalıyıq”.
1news.az
