Türkiyə prezidentinin sözçüsü: "Kürd muxtariyyəti referendumdan geri çəkilməlidir"

İraqın şimalındakı referendum ləğv olunmasa, bunun ciddi nəticələri olacaq.

1news.az Türkiyə mətbuatına istinadla xəbər verir ki, bunu Türkiyə prezidentinin baş müşaviri və sözçüsü İbrahim Kalın deyib.

İ.Kalın bildirib ki, kürd muxtariyyətinin rəhbərliyi bu böyük xətadan dərhal geri dönməlidir.

Xatırladaq ki, sentyabrın 25-də Şimali İraq Kürd Muxtariyyəti ərazisində müstəqillik barədə ümumxalq səsverməsi keçiriləcək. Türkiyə Milli Təhlükəsizlik Şurasının sentyabrın 22-də keçirilən toplantısında bu referendum qanunsuz elan edilib və baş tutacağı halda, Ankaranın beynəlxalq və ikitərəfli müqavilələrdən irəli gələn hüquqlarından istifadə edəcəyi bildirilib. Türkiyə Silahlı Qüvvələri hazırda İraqla həmsərhəd ərazidə hərbi təlim keçirir.

1news.az