AMB şənbə gününü banklar üçün iş günü elan edib
Bu gün Azərbaycan Mərkəzi Bankından (AMB) kommersiya banklara məktub daxil olub.
1news.az-ın verdiyi xəbərə görə, AMB-nin İdarə Heyəti sədrinin birinci müavini Alim Quliyevin imzası ilə daxil olan məktubda deyilir:
“Milli Ödəniş Sisteminin İştirakçılarına.
Dövlət büdcəsinə daxilolmaların və xərclərin kütləviliyini, hesablaşmaların başa çatdırılmasının təmin edilməsi zəruriliyini nəzərə alaraq, ölkədaxili hesablaşma-kassa əməliyyatlarının aparılması məqsədilə 30.09.2017-ci il tarixi bank sistemi üçün rəsmi iş günü elan edilir. Eyni zamanda bildiririk ki, ödəniş sistemləri üzrə 30.09.2017-ci il tarixi yeni əməliyyat günü hesab edilir.
Xahiş edirik, nəzərə alasınız”.
AMB-də olan mənbə bir sıra KİV-də şənbə-bazar günləri manatın devalvasiyası ilə yayılmış xəbərləri təkzib edib.
Həmçinin ölkənin iri banklarında olan mənbələr də bununla bağlı şaiyələrin əsassız olduğunu bildiriblər.
S.Xankişiyeva
