15 min manatlıq heşteq — #4noyabr | 1news.az | Xəbərlər
Cəmiyyət

15 min manatlıq heşteq — #4noyabr

17:29 - 05 / 10 / 2017
15 min manatlıq heşteq — #4noyabr

Son günlər sosial şəbəkələrdə #4noyabr heşteqi ilə paylaşımların həddən artıq populyarlaşdığını müşahidə edirik.

Demək olar ki, əksər istifadəçilər bu heşteq vasitəsilə postlar paylaşırlar. Hətta, çox sayda biznes qurumu da bu heşteqi paylaşanlara dəyərli hədiyyələr vəd edir. 4 Noyabr tarixinə bir aya yaxın vaxt var, hər kəsi isə düşündürən sual budur, görəsən, bu tarixdə nə baş verəcək?

Biz də məsələ ilə bağlı məlumat əldə etmək üçün kiçik bir araşdırma apardıq. Paylaşımların müxtəlif mövzuları əhatə etdiyini və fərqli istiqamətlərdə yazıldığını nəzərə alaraq, ideya müəllifinin kim və ya kimlər olduğunu müəyyən etmək çətinləşir. Ona görə də, sosial şəbəkələrdə bu #4noyabr heşteqi ilə ilk paylaşım edənləri müəyyənləşdirməyə qərar verdik.

Nəticədə məlum oldu ki, ilk heşteqlər Azərbayanın Marketing bazarında yetərincə nüfuza malik bir neçə marketoloqun paylaşımındadır.

"Ölkə.Az" məsələyə aydınlıq gətirməsi üçün paylaşım edən həmin marketoloqlardan biri Elgün Namazlı ilə əlaqə saxlayıb. Elgün bəy də ideyanın onlara məxsus olduğunu təsdiqlədi.

Elgün Namazlı ilə 4 noyabr məsələsi ilə bağlı olan müsahibəmizi təqdim edirik.

- 4 Noyabr tarixi ilə bağlı ilk paylaşımları sizlər etmisiniz. Ona görə də, məhz siz bilərsiniz bu tarixin sirri nədir? Nədir, bu 4 noyabr?

- Bəli, haqlısınız, artıq bu məsələ gündəmə çevrilib. Bizim gözlədiyimiz kimi istifadəçilər də bu tarixlə bağlı çoxlu paylaşımlar edirlər. Paylaşımlar təkcə paylaşım olaraq qalmır,  hətta irəli gedərək bəzi biznes qurumları bu heşteqi paylaşan insanlardan təsadüfi seçiləcəklərə hədiyyələr vəd edirlər. Vəd edilən hədiyyələr də müxtəlifdir, endirim kuponları, tətil rezervasiyaları və s. Marketinq hadisəsinin geniş miqyas alması və müxtəlif qurumların buraya cəlb olunması bizi əslində sevindirir, bu o deməkdir ki, bizi maraqlı bir sürpriz gözləyir. 

- Əslində paylaşımların çoxluğu 4 noyabrda nə baş verəcəyi ilə bağlı ehtimalları da çoxaldıb. Variantlar o qədər müxtəlifdir ki, reala ən yaxın hansı ola bilər deyə tapmaq çətinləşir. Bəziləri deyir, hansısa bir parti təşkil olunacaq, bir qrup insan düşünür ki, hansısa kursun və ya kafenin açılışıdır yaxud kiminsə sevgilisi ilə ilk tanış olduğu gündür. Bəs əsl məsələ nədir?

- Bəli, sosial mediada bizim marketinq hadisəsi ilə bağlı belə ehtimallar yazırlar. Bu normaldır. Belə deyim, bu tarix təbii ki, bir neçə hadisə ilə üst-üstə düşə bilər, amma bizim nəzərdə tutduğumuz əsl 4 noyabr, nə partidir, nə kiminsə sevgilisi ilə bağlı özəl gündür, nə açılışdır. Bu tamamilə fərqli bir marketinq hadisəsidir və əminik ki, insanlar üçün maraqlı olacaq.

Nəzərə alsaq ki, artıq hətta biznes qurumları ümumi dəyəri 15 mindən yuxarı olan hədiyyələr vəd ediblər, deməli, bu sadalananlardan fərqli bir məsələdir. Həm də bu məbləğ bir neçə günün içində formalaşıb, əminik ki, 4 noyabr tarixinə qədər vəd olunan hədiyyələrin ümumi büdcəsi dəfələrlə artacaq. Azərbaycanın rəqəmsal marketinq bazarında ilk dəfədir ki, biznes qurumları bir-birinin ardınca bu formada hədiyyə yağışına başlayırlar. Hələ biz bunun təkrarını görməmişik. 

- Sosial şəbəkələrdə 4 noyabrın nə olması ilə bağlı sadalanan ehtimallar doğru deyilsə, biz deyə bilərikmi ki, bu biznes ideyasıdır və yekunda bizneslə bağlı bir məsələ ortaya çıxacaq?

- Sirr kimi qalmasını istədiyimiz üçün indi marketinq hadisəsinin nədən ibarət olduğunu deyə bilmirəm, amma yaxınlarda açıqlayacağımız məsələ çox maraqlı və faydalı olacaq. Təkcə onu deyə bilərik ki, 4 noyabrla bağlı yekunda bizi kiminsə ad günü, kiminsə sevgilisi ilə tanış olduğu gün, yaxud siyasi və ya dini mesajı olan bir məsələ gözləmir. Bu hansısa brendin kampaniyası da deyil.

- Qeyd etdiyimiz kimi, sosial şəbəkələrdə bu marketinq hadisəsi ilə bağlı populyarlıq artır. İdeya sizindir, amma fərdi şəbəkə istifadəçiləri ilə yanaşı, tamamilə fərqli qurumlar da bu tarixlə bağlı paylaşımlar edir. Məsələyə başqa qurumların da cəlb olunması sizi narahat etmir?

- Biz əvvəlindən bilirik ki, bu viral marketinq hadisəsidir. Bunun virallığı da elə geniş kütlənin maraq dairəsinə daxil olmasındadır. Hansısa biznes qurumunun təsadüfi bir adama hədiyyə vəd etməsi bizi narahat etmir. Bayaq da qeyd etdiyim kimi, biz əksinə sevinirik ki, insanlar marketinq hadisəsi ilə yanaşı bir də əlavə qurumlardan faydalana biləcəklər.

Biz miqyasın geniş olacağını hesablamışdıq və məsələnin belə yayılmasını gözləyirdik. Ona görə də, deyə bilərik ki, hər şey düşündüyümüz kimi davam edir.

- Belə görürük ki, indiki vaxt üçün sirrin nədən ibarət olduğunu açıqlamayacaqsınız. Bəs qarşıdakı günlərdə hazırladığınız marketinq hadisəsi barədə bu heşteqi izləyənlər üçün növbəti açıqlamalarınız olacaqmı?

- Tezliklə hər şey insanlar üçün aydın olacaq. Biz insaların maraq və düşüncələrinə əsasən, bir neçə məqama da aydınlıq gətirəcəyik. İstifadəçilər növbəti açıqlamalarla bağlı isə tək rəsmi məlumat saytımız 4noyabr.az-ı ziyarət edə bilərlər.

Ölkə.az

Paylaş:
1136

Son xəbərlər

Müdafiə Nazirliyinin rəhbərliyi “ADEX” Beynəlxalq Müdafiə Sərgisinin açılış mərasimində iştirak edibBu gün, 13:07Sabah hava necə olacaq? - PROQNOZBu gün, 13:05Küləkli hava şəraiti ilə bağlı sarı xəbərdarlıq verilibBu gün, 12:44Ötən ay 191 176 nəfərə pensiya və müavinət ödənilibBu gün, 12:37Ağdamda istehsalat müəssisələrinin Azərbaycan iqtisadiyyatına təsirləri – “Bu, yeni ixrac imkanları deməkdir” - ŞƏRHBu gün, 12:31Azərbaycanın turizm imkanları Çində silsilə tədbirlərlə tanıdılıbBu gün, 12:09Beynəlxalq axtarışda olan altı nəfər Azərbaycana ekstradisiya edilibBu gün, 12:04Bu gün Əminə Yusifqızının doğum günüdürBu gün, 11:54FHN: Ötən sutka 3 nəfər xilas edilibBu gün, 11:04Qızılın bahalaşması davam edirBu gün, 10:48AZAL Təl-Əviv və əks istiqamətdə reysləri dayandırıbBu gün, 10:44Bakıda polisdən qaçmağa cəhd edən şübhəlilər saxlanılıb, yaralı varBu gün, 10:33QDF Şuşa şəhərinə konsert royalının hədiyyə edilməsi ilə bağlı “Qarabağ gecəsi” konsertini keçirib - FOTOBu gün, 10:21DİN: Ötən gün 32 cinayətin üstü açılıbBu gün, 10:14İtaliyanın müdafiə naziri Azərbaycana səfər edibBu gün, 10:11Yağış yağıb, 29 dərəcəyədək isti olub - Faktiki havaBu gün, 09:59AZAL COP29 tədbiri zamanı aviareysləri təxirə salacaq? - CAVABBu gün, 09:41Şamaxıda cibgirlikdə şübhəli bilinən şəxslər saxlanılıblarBu gün, 09:35Azərbaycan nefti cüzi ucuzlaşıbBu gün, 09:24Azərbaycan Mərkəzi Bankı bu günə olan valyuta məzənnələrini açıqladıBu gün, 09:12
Bütün xəbərlər