Ramin Quluzadə Göyçayda vətəndaşlarla görüşəcək
Nəqliyyat, rabitə və yüksək texnologiyalar naziri Ramin Quluzadə oktyabrın 13-də Göyçay şəhərində vətəndaşları qəbul edəcək.
Nazirliyin mətbuat xidmətindən 1news.az-a verilən məlumata görə, saat 12:30-da başlayacaq qəbulda Göyçay, Kürdəmir, Ucar, Ağdaş rayonlarının və Mingəçevir şəhərinin sakinlərinə göstərilən nəqliyyat, telekommunikasiya (o cümlədən, internet, televiziya və radio yayımı) və poçt xidmətlərinin keyfiyyəti, xidmət mədəniyyəti və bu sahədə bölgələrdə əhalini maraqlandıran digər məsələlər dinləniləcək.
Vətəndaşlardan “[email protected]” elektron poçt ünvanı, 1655 “Çağrı Mərkəzi”, 012 598 38 18 nömrəli telefon vasitəsi ilə (regionlardan edilən zənglər pulsuzdur) əlaqə saxlayıb qəbula yazılmaları xahiş olunur.
Eyni zamanda, qəbula gəlmək istəyən vətəndaşlar, zərurət yaranarsa, yaşadıqları ərazinin poçt və telefon qovşaqları tərəfindən nəqliyyat vasitələri ilə təmin olunacaqlar. Bunun üçün aşağıdakı nömrələrlə əlaqə saxlaya bilərsiniz:
Göyçay rayonunda 02027 42366
Mingəçevir şəhərində 02427 52999
Kürdəmir rayonunda 02025 51599
Ucar rayonunda 02021 33777
Ağdaş rayonunda 02023 55199
Babək Cahandarov
