Zinəddin Zidan 2017-ci ilin ən yaxşı məşqçisi seçilib

FİFA 2017-ci ilin ən yaxşı məşqçisinin adını elan edib.

1news.az-ın məlumatına görə, millinin məşqçiləri, kapitanlar, jurnalistlər və futbolsevərlər arasında keçirilən sorğunun yekun nəticəsinə əsasən, “Real”ın çalışdırıcısı Zinəddin Zidan bu ilin ən yaxşı məşqçisi seçilib.

İlin ən yaxşı məşqçisi adına digər namizədlər Massimiliano Alleqri (“Yuventus”) və Antonio Konte (“Çelsi”) idi.

Qeyd edək ki, Zidan ötən mövsüm “Real”la İspaniya La Liqasının və Çempionlar Liqasının qalibi olub.

1news.az