Bərdə sakini intihar etdi

Bərdə sakini zəhər içərək özünü öldürüb.

1news.az-ın Trend-ə istinadən verdiyi xəbərə görə, hadisə rayonun Dəymədağıldı kəndi ərazisində baş verib. Rayon sakini, 1970-ci il təvəllüdlü Xəlilov Mətləb Sovet oğlu Dəymədağıldı kəndindəki ata yurduna gələrək, orada zəhər içib. Yaralı xəstəxanaya aparılsa da, onun həyatını xilas etmək mümkün olmayıb. M.Xəlilov xəstəxanada dünyasını dəyişib.

İlkin məlumata görə, hadisə ailə münaqişəsi zəminində baş verib.

Faktla bağlı Bərdə rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsilə cinayət işi başlanılıb.

1news.az