AFFA iclasın vaxtını, yerini və gündəliyini açıqladı

AFFA-nın İcraiyyə Komitəsinin sabah keçiriləcək iclasının gündəliyi açıqlanıb.

1news.az-ın məlumatına görə, Bakı Olimpiya Stadionunda baş tutacaq yığıncaq saat 9:30-da başlayacaq.

Komitə üzvləri öncə Azərbaycan milli komandasının baş məşqçisi vəzifəsinə namizədləri müzakirə edəcək. Ardınca AVRO-2020-nin final mərhələsinə vəsiqə uğrunda komandaların keçməli olduğu yolun təqdimatı olacaq.

İclasın sonunda komitə üzvləri digər məsələlər ətrafında müzakirə aparacaq. Yığıncaq  başa çatdıqdan sonra mətbuat nümayəndələri üçün brifinq keçiriləcək.

1news.az