Prezidentin qarşısında çıxış edən tələbə: “Əgər peşəkar bir mühəndis olmaq istəyirsinizsə...” | 1news.az | Xəbərlər
Cəmiyyət

Prezidentin qarşısında çıxış edən tələbə: “Əgər peşəkar bir mühəndis olmaq istəyirsinizsə...”

12:49 - 16 / 11 / 2017
Prezidentin qarşısında çıxış edən tələbə: “Əgər peşəkar bir mühəndis olmaq istəyirsinizsə...”

Azərbaycanda iki milyard ton neft hasil olunması münasibətilə keçirilən təntənəli mərasimdə nitq söyləyən Bakı Ali Neft Məktəbinin birinci kurs tələbəsi Mahirə Əsədzadə saytımıza müsahibə verib.

O, müsahibəsində noyabrın 8-də Prezident İlham Əliyevin də iştirak etdiyi tədbirdəki çıxışı, eləcə də gələcək planlarından danışıb.

Həmin müsahibəni təqdim edirik:

- Mahirə, ötən həftə 2 milyard ton neftin hasilatı ilə bağlı keçirilən böyük tədbirdə etdiyin çıxış ölkədə böyük diqqətə səbəb oldu. Bəs cənab Prezidentin qarşısında bu çıxışı edərkən hansı hisləri keçirirdin?

- Noyabrın 8-i Heydər Əliyev Mərkəzində cənab Prezident İlham Əliyevin iştirak etdiyi mərasimdə öz ali məktəbim adından çıxış etməyim mənə sözlə ifadə edilməz qürur hissi yaşatdı. Hətta həyatımda indiyədək yaşadığım ən həyəcanlı an deyə bilərəm. Bu hadisədən sonra bir daha BANM-ə qəbul olmağımın nə qədər doğru bir seçim olduğunu anladım.

- Sizi tanımayanlar üçün ali  məktəblərə qəbul imtahanında 700 bal toplamış Mahirə Əsədzadə  kimdir?

- Mən, Əsədzadə Mahirə 27 avqust 1999-cu ildə Bakı şəhərində anadan olmuşam. Orta təhsilimii 2006-2008-ci illərdə Laçın rayonu 40 nömrəli məktəbdə almışam, 2008-2017-ci illərdə isə Bakı şəhəri 162 nömrəli tam orta məktəbi fərqlənmə attestatı ilə bitirib, Fəxri fərmanla təltif olunmuşam.

Dövlət İmtahan Mərkəzinin 2016-2017-ci tədris ili üzrə keçirilən qəbul imtahanında ən yüksək nəticə hesab olunan 700 balı toplayaraq Bakı Ali Neft Məktəbinin “Proseslərin avtomatlaşdırılması mühəndisliyi” ixtisasına qəbul olmuşam.

- Mahirə, çıxışın zamanı söyləmişdin ki, uşaqlıqdan ən böyük arzun neftçi olmaq və SOCAR ailəsinə qoşulmaq olub. Bu arzuyla yaşayan minlərlə gənc var. Bəs bu arzuya nail ola bilmək üçün hansı addımları atmaq lazımdı?

- Bəli, çoxlarımız elə uşaqlıq arzularımızım arxasınca gedirik. Düşünürəm neftçi olmaq, peşəkar neft mühəndisi olmaq istəyən bir gənc ilk növbədə ali məktəb seçimini düzgün etməlidir. Çünki hər şey ordan başlayır. Məsələn, BANM mənim hərtərəfli mühəndis kimi yetişməyimi təmin edir. Çünki biz təhsillə bərabər, həm də istehsalatın içindəyik.

- Seçimin niyə məhz Bakı Ali Neft Məktəbi olub, buranı fərqləndirən sənin üçün nədir?

- Bakı Ali Neft Məktəbinin tələbələri qarşısında açdığı imkanlar tamam başqadır. Eyni zamanda burada dərslərin xarici dildə tədris olunması, ödənişsiz təhsilin olması, nəzəri biliklərin mənimsədilməsi ilə yanaşı təcrübə və praktikaların çoxluğu, xarici ölkələrdə təhsil imkanının yaradılması, transmilli şirkətlərlə əməkdaşlıq - bunların hamısı birlikdə məhz BANM-dədir.

- Səni həyatda ən çox motivasiya edən nədir?

- Məni daha çox ruhlandıran gördüyüm işin nəticəsidir. Proses uzun müddət davam etsə də, əldə edəcəyim uğur, işin nəticəsi mənə ruh yüksəkliyi bəxş edə bilər.

- Ali məktəblərə qəbul və seçim qarşısında olan tələbələrə məsləhətin nə olardı?

- Ali məktəblərə seçim qarşısında olan tələbələrə demək istəyirəm ki, özünüzü görmək istədiyiniz yerə uyğun ixtisaslaşmış, tələbələrə daha çox karyera imkanları tanıdan, 4-5 ilin sonunda sadəcə diplom kağızı deyil, eyni zamanda çoxseçimli iş təklifləri ilə sizə imkanlar açacaq, zəngin bilik, bacarıq və təcrübə qazandıracaq bir təhsil ocağı seçin. Əgər peşəkar bir mühəndis olmaq istəyirsinizsə, əlbəttə ki, Bakı Ali Neft Məktəbi sizin ən uğurlu seçiminiz olardı.

1news.az

Paylaş:
1330

Son xəbərlər

Səbinə Əliyeva və və UNICEF Azərbaycan nümayəndəsi arasında gələcək əməkdaşlıq müzakirə edilib24 / 09 / 2024, 17:50Azərbaycan diasporu İsveçrə parlamentinə bəyanat ünvanlayıb24 / 09 / 2024, 17:45Azərbaycan və Özbəkistan arasında informasiya sahəsində əməkdaşlığın perspektivləri müzakirə olunub24 / 09 / 2024, 17:40Biləsuvarda toy karvanında olan avtomobil yük maşınına çırpılıb, 5 nəfər ölüb - FOTO24 / 09 / 2024, 17:24Astanada “Füzuli – 530 misra” kitabının təqdimatı keçirilib24 / 09 / 2024, 17:21Sabah Cəlilabadın 19 yaşayış məntəqəsində qaz kəsiləcək24 / 09 / 2024, 17:11Bakı-Sumqayıt marşrutu üzrə sürət elektrik qatarlarında yeni tariflər açıqlandı24 / 09 / 2024, 17:08Azərbaycan və Ukrayna XİN başçıları regiondakı vəziyyəti müzakirə ediblər24 / 09 / 2024, 16:55COP29 Sədrliyi və Beynəlxalq Miqrasiya Təşkilatı dəyirmi masa keçirib24 / 09 / 2024, 16:50Azərbaycanın müdafiə naziri italiyalı həmkarı ilə görüşüb24 / 09 / 2024, 16:34Bakının Kövkəb Səfərəliyeva küçəsi təmir olunur24 / 09 / 2024, 16:07“Rəqəmsal dövrdə həqiqət axtarışında: dezinformasiyaya qarşı mübarizə” mövzusunda I Özbəkistan-Azərbaycan Media Forumu keçirilir24 / 09 / 2024, 16:01Qərbi Azərbaycan İcması Adam Şiffin anti-Azərbaycan qanun layihəsi ilə bağlı bəyanat yaydı24 / 09 / 2024, 15:54İlham Əliyev “ADEX-2024”ün iştirakçılarına müraciət ünvanlayıb24 / 09 / 2024, 15:50SİMA məhsulları Özbəkistanda beynəlxalq bazara təqdim edilib24 / 09 / 2024, 15:39Dolu düşüb, leysan yağıb - Faktiki hava24 / 09 / 2024, 15:28Birbank taksit kartları ilə sərfəli alış-veriş imkanı davam edir24 / 09 / 2024, 15:26Özbəkistan Respublikası Baş nazirinin müavini ilə görüş keçirilib24 / 09 / 2024, 15:14ATU-nun müəllimi tələbələrin geyimi ilə bağlı paylaşım etdi, söbəyə dəvət olundu24 / 09 / 2024, 15:07Çeçenistanda saxlanılan üç Azərbaycan vətəndaşı ölkəyə gətirilib24 / 09 / 2024, 14:57
Bütün xəbərlər