Futzal millimiz Avropa çempionatında 1/4 finala yüksəlib
Bu gün futzal üzrə milli komandamız Avro-2018-in final mərhələsinin ilk qrup oyununa çıxıb.
1news.az-ın məlumatına görə, Joze Alesionun rəhbərlik etdiyi yığmamız Fransa ilə qarşılaşıb. Matç millimizin 5:3 hesablı qələbəsi ilə başa çatıb. Bu nəticədən sonra yığmamız ikinci görüşün nəticəsindən aslı olmayaraq növbəti mərhələyə vəsiqə qazanıb. Fransa yığması isə 2 oyuna 1 xal toplayıb. Millimiz növbəti matçda İspaniya ilə qarşılaşacaq.
Qeyd edək ki, qrupun ilk matçında - Fransa - İspaniya görüşündə heç-heçə (4:4) qeydə alınıb.
AVRO-2018
D qrupu
2 fevral
Fransa - Azərbaycan - 3:5
Qollar: Landri Nqala, 6.59; Abdessamad Mohammed, 20.05; Suheyl Muhudine, 39.33 - Bolinya, 2.26, 22.02, 24.30; Everton Kardoso, 28.56; Eduardo Borqes, 37.09
1news.az
