Evində ölü tapılan xalq artisti ilə vida mərasimi keçirilməyəcək - Nazirlikdən AÇIQLAMA
Evində ölü tapılan xalq artisti Zərnigar Ağakişiyeva ilə Bakıda vida mərasimi keçirilməyəcək.
1news.az xəbər verir ki, bu sözləri Sonxeber.az-a açıqlamasında Mədəniyyət və Turizm Nazirliyinin mətbuat xidmətinin rəhbəri Vüqar Şixəmmədov deyib. Onun sözlərinə görə, mərhum aktrisanın cəsədi tibbi ekspertizadan dərhal sonra qohumlarına təhvil verilib:
“Hazırda cənazə Qubaya aparılır. Qubaya çatandan sonra dərhal dəfn olunacaq. Qubada təxminən 2-3 saata dəfn mərasimi keçiriləcək”.
Qeyd edək ki, xalq artisti Zərnigar Ağakişiyevanın Yasamal rayonu, Hüseyn Cavid prospekti 709 ünvanındakı 19 mərtəbəli yeni tikilinin 3-cü mərtəbəsində yerləşən mənzildə meyiti tapılıb. İlkin müayinə zamanı onun 3 gün əvvəl dünyasını dəyişdiyi müəyyənləşib.
Allah rəhmət eləsin!
Mövqu ilə əlaqədar:
Xalq artisti Zərnigar Ağakişiyeva vəfat edib
1news.az
