Bakı və Sumqayıtda satış yarmarkaları təşkil olunacaq - SİYAHI

Novruz bayramı ilə əlaqədar 17-20 mart tarixlərində Bakı və Sumqayıt şəhərlərində kənd təsərrüfatı məhsullarının satış yarmarkaları təşkil olunacaq.

1news.az-ın məlumatına görə, bunda məqsəd Bakı və Sumqayıt şəhər əhalisinin kənd təsərrüfatı və ərzaq məhsullarına artan tələbatının daha dolğun ödənilməsi və istehlakçıların seçim imkanlarının artırılması, süni qiymət artımının, möhtəkirliyin qarşısının alınmasıdır.

Kənd Təsərrüfatı Nazirliyi tərəfindən təşkil olunacaq yarmarkalar aşağıdakı ünvanlarında fəaliyyət göstərəcək:

Bakı şəhəri üzrə:

Xətai rayonu:

-Məzahir Rüstəmov  küçəsi, Bakı kinoteatrının yaxınlığı

Nərimanov rayonu:

-Keşlə bazarının ərazisi;

Səbail rayonu:

-Badamdar qəsəbəsi, Seyran Məmmədov küçəsi 1, Məktəbin arxası

Suraxanı rayonu:

-Əmircan qəsəbəsi, Malik Mustafayev küçəsi 4, 3 saylı Xüsusi Təyinatlı  Mənzil-kommunal Təsərrüfat Birliyinin yanı

Binəqədi rayonu :

-Dərnəgül, Koroğlu Rəhimov küçəsi 53, Elit Ticarət Mərkəzinin yaxınlığı.

Sumqayıt şəhəri üzrə (2 yerdə):

- 12-ci mikrorayon

- Köhnə avtovağzalın yanı

Yarmarkaların mütəşəkkil keçirilməsi üçün Nazirliyin məsul əməkdaşlarından ibarət işçi qrupları yarmarkalara təhkim olunub və onlar da satılan məhsulların keyfiyyətinə, istehlak üçün yararlı və təhlükəsiz olmasına, qiymətlərin tənzimlənməsinə daim nəzarət edəcək.

Satışa çıxarılan bitki və heyvan mənşəli məhsulların fitosanitar və baytarlıq nəzarətindən keçirilməsi, müayinələrin vaxtında aparılması üçün yarmarkalar səyyar avtolaboratoriyalarla təmin olunacaq.

S.Xankişiyeva