Hindistan xəstəxanaları ürək əməliyyatları, xərçəngin müalicəsində yüksək səviyyəyə malikdirlər - FOTO
Hindistanın aparıcı səhiyyə qurumları və xəstəxanalarının iştirakı ilə “Səhiyyədə qlobal trendlər və Hindistana tibbi turizmin artırılması” mövzusunda Bakı seminar keçirilib.
1news.az-a Hindistanın Bakıdakı səfirliyindən verilən məlumata görə, seminar beynəlxalq səhiyyə əlaqələndiricisi “medECUBE India” şirkəti ilə Hindistanın Azərbaycandakı səfirliyinin birgə təşkilatçılığı ilə baş tutub.
Tədbirdə Hindistandan, Amerikadan və Azərbaycandan seçilmiş səhiyyə mütəxəssisləri, o cümlədən Azərbaycan Səhiyyə Nazirliyindən Dr. Samir Abdullayev, “Artiman Ventures”in icraçı direktoru Dr. Ajit Singh (ABŞ), “Max Healthcare”in nümayəndəsi Anas Wajid (Hindistan), “medECUBE Healthcare Indian”ın baş icraçı Ddrektoru Dr. Dilpreet Brar və Dr. Rəşad Məmmədov iştirak ediblər.
Panel iştirakçıları ümumilikdə qlobal səhiyyə sisteminin müxtəlif aspektləri ilə bağlı fikirlərini bölüşdülər və Hindistanın əsas səhiyyə məkanı kimi inkişafından söz açıblar.
Qeyd edilib ki, Hindistan səhiyyənin ümumilikdə keyfiyyətini müəyyən edən amillər üzrə üstünlük qazandığından ötən illər ərzində tibb əhəmiyyətli səyahətə görə ən yüksək nəticə göstərən məkana çevrilib.
Hindistan Beynəlxalq Birgə Komissiyada akreditasiyadan keçmiş xüsusi olaraq qlobal standartlara uyğun səhiyyə xidməti ilə təmin edən 22 xəstəxanaya malikdir. Hindistan xəstəxanaları ürək əməliyyatları, diz və oynaq transplantasiyası, xərçəngin müalicəsi, kosmetik cərrahiyə və stomatologiya sahəsində yüksək səviyyəyə malikdirlər. Bu xəstəxanalar xüsusilə də, mürəkkəb ürək əməliyyatlarının,xərçəngin müalicəsi və əməliyyatlarının, nevro və ümumi əməliyyatların yüksək texnologiyalardan və tibbi prosedurlardan istifadə edərək həyata keçirilməsi üzrə ixtisaslaşıblar. Hindistanda tibbi müalicə dünyada ən aşağı xərcli hesab olunsa da, istifadə olunan avadanlıqlar dünyanın ən yaxşı avadanlıqları qədər mükəmməldir.
Seminarda çıxış edən Hindistan səfiri Sanjay Rana bildirib ki, Hindistan dünya səviyyəli avadanlıqları olan xəstəxanalarla yanaşı ixtisaslı həkimlərə və tibb heyətinə malikdir. Hindistan pasientlərə münasib qiymətə yüksək keyfiyyətli müalicə təklif edən rəqabətli üstünlüyə malikdir. Ürəyin koronar şuntlaması və ürək klapanının əvəzlənməsi kimi böyük əməliyyatlarda və ya leykemiyanın müalicəsində qiymət fərqi Qərb ölkələri ilə müqayisədə 10 dəfədən 20 dəfəyə qədər, digər Asiya ölkələrindəki qiymətin isə yarısından da azdır. Yüksək keyfiyyətlə qiymət üstünlüyünün bu vəhdəti Hindistan üçün unikaldır. Səfr Sanjay Rana həmçinin, Hindistanın ən yüksək səviyyəli xəstəxanalarının Azərbaycan dilində kataloqunu təqdim edib.
P.Sultanova
