Bütün cəzaçəkmə müəssisələrinin enerji təminatı bərpa olunub

Ədliyyə Nazirliyi Penitensiar Xidməti elektrik enerjisinin verilişində yaranan problemə görə cəzaçəkmə müəssisələrindəki vəziyyətə aydınlıq gətirib.

1news.az-ın verdiyi xəbərə görə, Penitensiar Xidmətin ictimaiyyətlə əlaqələr şöbəsinin rəisi Mehman Sadıqov bildirib ki, artıq cəzaçəkmə müəssisələrinin hamısında elektrik enerjisinin təminatı bərpa olunub.

Onun sözlərinə görə, enerji fasiləsi yaranan zamanda da ehtiyat dizel mühərriiklərinin köməkliyi ilə müəssisələrin hamısına elektrik enerjisi verilib.

S.Xankişiyeva