CNN Şəki haqqında- Azərbaycanın karvanlar və xanlar şəhəri

"CNN" telekanalının saytında Azərbaycanın qədim guşələrindən biri olan Şəki haqqında reportaj hazırlanıb.

1news.az xəbər verir ki, reportajda vurğulanıb ki, Azərbaycan neftinə görə tanınmazdan əvvəl ipək və ədviyyatlar torpağı idi.

Xəzər dənizi və Qafqaz dağları ilə əhatələnən, Avropa və Asiyanın kəsişməsində, Şərq və Qərbi birləşdirən ticarət yollarının qədim şəbəkəsi olan İpək Yolu üzərində mühüm bir yol idi. 19-cu əsrə qədər Şəki İpək Yolu üzərində ipək istehsalı üzrə beynəlxalq mərkəz rolunu oynayıb. 

Reportajda vurğulanıb ki, bu gün Şəki daş döşənmiş küçələri, orta əsrlər arxitekturası ilə Azərbaycanın ən səfalı, gözəl  şəhərlərindən birinə çevrilib. Həmçinin, qədim Karvansaraydan, Şəki Xan sarayından, Şəkinin məşhur yemək və şirniyyatlarından söz açılıb.

Daha ətraflı aşağıdakı linkdən tanış olmaq mümkündür.

https://edition.cnn.com/travel/article/sheki-azerbaijan/index.html

P.Sultanova