At belində maşınla yarışan qız şəbəklərdə izlənmə rekordu qırır – VİDEO

Hər kəs sosial şəbəkələrdə videosu yayılan bu azərbaycanlı qızdan danışır.

Söhbət Sumqayıt şəhərində yaşayan 9 yaşlı Gülay Fərzəliyevadan gedir. Onun at belində maşınla yarışa çıxdığı görüntülər şəbəklərdə izlənmə rekordu qırıb.

1news.az-ın verdiyi xəbərə görə, ARB TV hər kəsin marağına səbəb olan görüntülərin qəhrəmanını tapıb və onun bu addımının səbəblərini öyrənib.

Gülay Fərzəliyeva – at həvəskarı: “Mən atlarla nəfəs alıram. Atlar mənim ən yaxın dostumdur. İstəyirəm ki, yarışda iştirak edim”.

Sumqayıtda yaşayan qızcığaz at çapmağı ilə hər kəsi heyran qoyub. O, 4 yaşından at çapır.

Balaca qızcığazın etdiyi hərəkətlər böyük maraq doğurur. O, istənilən atı rəqs elətdirə bilir. Üstəlik, onun at belində başıaşağı akrobatik hərəkətini görənlər təəccübünü gizlədə bilmirlər. Gülay, bu məharətini ARB telekanalı üçün də nümayiş etdirdi.

Gülay at çapmağı nə qədər çox sevsə də, heç də bütün vaxtını buna sərf etmir. O, həm də dərslərində yaxşı nəticələr göstərir. Gülayın böyük arzusu peşəkar atçılıq yarışlarında iştirak etməkdir.

S.Xankişiyeva

12 yaşlı qız at çaparaq avtomobillə yarışıb – VİDEO