Səhiyyə naziri Neftçalada vətəndaşları qəbul edəcək

Səhiyyə naziri Oqtay Şirəliyev dekabrın 7-də Neftçala Mərkəzi Rayon Xəstəxanasında (MRX) vətəndaşları qəbul edəcək.

Səhiyyə Nazirliyinin mətbuat xidmətindən 1news.az-a verilən məlumata görə, saat 11:00-da başlayacaq görüşdə Şirvan, Salyan, Hacıqabul, Biləsuvar və Neftçala rayonları sakinlərinin müraciətləri, şikayət və fikirləri nazir tərəfindən dinləniləcək, lazımi tədbirlər görüləcək.

Qəbulda iştirak etmək istəyənlər MRX-də qeydiyyatdan keçə bilərlər.

1news.az