Dmitri Savelyev: 2020-ci ildə Azərbaycan rusiyalıları təəccübləndirə bilər | 1news.az | Xəbərlər
Müsahibə

Dmitri Savelyev: 2020-ci ildə Azərbaycan rusiyalıları təəccübləndirə bilər

16:10 - 26 / 12 / 2018
Dmitri Savelyev: 2020-ci ildə Azərbaycan rusiyalıları təəccübləndirə bilər

Rusiya-Azərbaycan Parlamentlərarası Dostluq Qrupunun rəhbəri, Dövlət Dumasının deputatı Dmitri Savelyev AZƏRTAC-a müsahibə verib.

O, müsahibəsində Rusiya ilə Azərbaycan arasında mədəni əməkdaşlıqdan danışıb.

-Dmitri İvanoviç, 2018-ci ildə Rusiya və Azərbaycan arasında humanitar əməkdaşlığın səviyyəsini necə qiymətləndirirsiniz?

-Rusiya ilə Azərbaycan arasında mədəni əlaqələr iqtisadi əməkdaşlığımızın getdikcə artan səviyyəsi fonunda inkişaf edir. Birgə layihələrin sayı artır, turist axını güclənir: bizim vətəndaşlarımız Azərbaycana həvəslə səyahət edir və oradan bu ölkəyə vurğunluq hissi ilə qayıdırlar.

Müvafiq olaraq, Rusiyada daha çox insan Azərbaycanın mədəniyyəti, adət-ənənələri, klassik və müasir incəsənəti, dili ilə maraqlanır. Ona görə də Rusiyada sərgilər, konsertlər, mədəniyyət və milli mətbəx bayramları daha tez-tez və böyük uğurla keçirilir. Əlbəttə, birgə layihələr üzərində işləyən Rusiya və Azərbaycanın teatrları və muzeyləri arasında əməkdaşlıq da inkişaf edir.

-Yola saldığımız ildə Rusiya və Azərbaycanın iştirakı ilə hansı mədəni hadisə şəxsən sizdə daha böyük təəssürat yaradıb?

-Bilirsiniz, onların hər biri tamamilə unikaldır. Onlar ülvi duyğular, yaxı əhval-ruhiyyə, yeni məlumatlar bəxş edirlər. Yuxarıda “Yeddi gözəl” sərgisini qeyd etdim. Bu, tamaşaçını Azərbaycan incəsənətinin bütün növlərinin dərinliklərinə aparan, həmçinin poeziya, xalçaçılıq, zərgərlik, XI əsrin Təbriz miniatürləri, bu il Rusiya və Azərbaycanda yubileyini qeyd etdiyimiz Qara Qarayevin yaratdığı XX əsrin böyük balet sənəti və s. ilə tanış edən mükəmməl layihədir. Lakin qorxuram ki, bu il ölkəmizdə keçirilən bütün tədbirləri sadalamağa vaxtımız çatmasın.

Burada bir vacib məqamı qeyd etmək istəyirəm: əlbəttə, Rusiya və Azərbaycan arasında mədəni əlaqələrin qorunub saxlanılması və inkişafında əsas rolu rus dili oynayır. Azərbaycanda rus dilinə münasibət Prezident Heydər Əliyevin yüksək nüfuzu sayəsində formalaşıb. O, rus dili və ədəbiyyatını Azərbaycanın çoxşaxəli mədəni irsinin tərkib hissələrindən biri kimi görürdü. Rus dilində təhsil inkişaf etməkdə davam edir və bunun sayəsində biz bir-birimizə daha da yaxınlaşmaq imkanı əldə edirik. Bu gün Rusiya və Azərbaycan bu imkanlardan çox səmərəli istifadə edirlər.

-2020-ci ildə Azərbaycan Sankt-Peterburq Mədəniyyət Forumunun qonağı olacaq. Bu tədbir ölkələrimiz arasında humanitar əlaqələrin inkişafı baxımından nə dərəcədə əhəmiyyətlidir və Siz ondan nə gözləyirsiniz?

-Şübhəsiz ki, bu, çox mühüm hadisədir və Rusiya ilə Azərbaycan arasında dostluq münasibətlərinin inkişafında daha bir qanunauyğun addım olacaq. Əlbəttə, burada dövlətlərimizin başçılarının xüsusi rolu var: Vladimir Putin və İlham Əliyev arasında çox gözəl münasibətlər mövcuddur, onlar başa düşürlər ki, məhz humanitar əlaqələr xalqların bir-birini tanımasına, bizi birləşdirən xüsusiyyətlərin üzə çıxmasına kömək edir. İncəsənətin dili bu vəhdətin təcəssümüdür, çünki o, universal, hamının anladığı bir ünsiyyət vasitəsidir, axı Rusiya və Azərbaycan çoxəsrlik müştərək tarixə, ortaq köklərə və dəyərlərə malik olan ölkələrdir. Ona görə də iki ildən sonra Azərbaycanın özünün mədəniyyət nümunələrini - ən yaxşı tamaşaları, muzey eksponatlarını, musiqisini və s. Rusiyada nümayiş etdirməsi çox mühüm hadisədir və onun dəyərini lazımınca qiymətləndirmək çətindir.

Əminəm ki, bu hadisə uzun müddət yaddaşlarda qalacaq: Azərbaycan müsbət mənada təəccübləndirməyi bacaran ölkə kimi tanınır. “Eurovision”, Birinci Avropa Oyunları, qısa bir vaxtda dünyada ən mühüm hadisələrdən birinə çevrilən Bakı Beynəlxalq Humanitar Forumunu xatırlayaq. Azərbaycan tədbirlərin yüksək təşkilatçılığı bacarığı ilə məşhurdur. Buna əlavə olaraq, bu ölkənin qeyri-adi və çox maraqlı, şərqlisayağı parlaq, özünəməxsus və heyranedici mədəniyyətini də qeyd etmək lazımdır. Yəni, təbii ki, mən respublikanın Rusiyada öz proqramını təqdim edəcəyi və bunun necə fantastik təəssürat doğuracağı vaxtı səbirsizliklə gözləyirəm.

1news.az

Paylaş:
642

Son xəbərlər

“Buta Airways” mayda Xarkova uçuşlara başlayır, Kiyevə uçuşların sayını isə artırırBu gün, 13:16Şənbə gününün hava proqnozu açıqlanıbBu gün, 13:08Kunio Mikuriya “Dostluq” ordeni ilə təltif edilibBu gün, 13:03Tovuz istiqamətində mövqelərimiz atəşə tutulub - MNBu gün, 13:00Şuşa və Ağdam şəhərlərinin qazlaşdırılması üçün iş aparılırBu gün, 12:58Dövlət Agentliyi: Məşğulluqla bağlı yeni proqram hazırlanırBu gün, 12:55AMB uçot dərəcəsini yüksəldibBu gün, 12:52COVID-19 xəstələri ilə işin təşkili mövzusunda vebinar keçirilib - FOTOBu gün, 12:46Azərbaycanın müdafiə naziri Pakistan tərəfinə başsağlığı veribBu gün, 12:40Prezident Ümumdünya Gömrük Təşkilatının Baş katibini videoformatda qəbul edib - FOTO - YENİLƏNİBBu gün, 12:37Bakıda ahıl kişinin başına daşla vuraraq pulunu aldılar - FOTOBu gün, 12:34İlham Əliyev: Münaqişənin bitməsindən sonra regionda əməkdaşlıq üçün yeni imkanlar yaranıbBu gün, 12:25Zakir Sultanov 11 il azadlıqdan məhrum edildiBu gün, 12:09Lənkəran sakinlərindən qanunsuz silahlar götürülübBu gün, 11:56Ağdamda ANAMA-nın minaaxtaranları üçün yeni mobil sahə düşərgəsi salınıb - FOTOBu gün, 11:44Dünya birjalarında neftin bu günə olan qiymətiBu gün, 11:28Ölkədə ən çox yağıntı bu ərazilərə düşüb – FAKTİKİ HAVABu gün, 11:23Daha bir məktəbdə biabırçılıq: Sinfi dağıdır, müəllimi qovurlar - VİDEOBu gün, 11:20Bakının məşhur stadionu sökülür?Bu gün, 11:12Ölkədə koronavirusa yoluxanların 3 faizi uşaqlardırBu gün, 11:00
Bütün xəbərlər

Next TV