3 ekranlı smartfonun patenti təsdiqləndi

Görünür, qatlana bilən ekranlara sahib smartfonlar “Samsung” şirkətinə bəs etmədi və buna görə də şirkət üç ekranlı smartfonun patentini əldə etdi.

1news.az "technote"a istinadən bildirir ki, smartfon üç hissədən ibarət olacaq və hər bir hissə öz ekranı ilə təchiz olunacaq.

Smartfonun aşağı hissəsində metal materialdan hazırlanmış xüsusi hissə yerləşir və həmin hissə smartfonu elə şəkildə birləşdirir ki, üç ekran üst-üstə yerləşir. Smartfonun metal materialdan hazırlanmış həmin aşağı hissəsi dairəvi formadadır və onun üzərində hansısa fiziki düymə və ya kamera yoxdur.

“Samsung” şirkətinin bu patent üzərində çalışacağını dəqiqliklə demək olmaz. Çünki sözügedən patent hələki nəzərdən keçirilir.

1news.az