Birinci CEO Lunch Aktauda keçiriləcək
Sentyabrın 27-də birinci CEO Lunch Aktau şəhərində keçiriləcək.
1news.az-ın verdiyi xəbərə görə, bu barədə Caspian European Club-un sədrinin birinci müavini və baş icraçı direktoru Telman Əliyev məlumat verib:
“Sevinc hissi ilə diqqətinizə çatdırırıq ki, kiçik fasilədən sonra Qazaxıstanda fəaliyyətimizi yenidən bərpa etdik və bu məqsədlə Caspian European Club, Caspian Energy Investment Group və Caspian Energy International Media Group-un eksklüziv partnyoru olan “Caspian Energy Kazakhstan” şirkətini qeydiyyatdan keçirtdik. “Caspian Energy Kazakhsatan” şirkəti informasiya-konsaltinq xidməti göstərmək və müxtəlif növ biznes-forum, dəyirmi masa, treninq, seminar və CEO Lunch təşkil etmək ilə məşğul olacaq”.
Telman Əliyev bildirib ki, ilk tədbir CEO Lunch formatında keçəcək və 2019-cu il sentyabrın 27-də Aktau şəhərində baş tutacaq:
“CEO Lunch-da Mangistausk vilayətinin və ümumilikdə Aktaunun investisiya cazibədarlığı barədə geniş məlumat təqdim olunacaq”.
CEO Lunch Aktau – netvorkinq üçün unikal platformadır. Tədbir çərçivəsində yaradıcı ziyalılar, dövlət məmurları, diplomatik missiya və beynəlxalq təşkilat rəhbərləri, orta səviyyəli top-menecer və menecerlər ünsiyyət qurmaq və fikir mübadiləsi aparmaq imkanı əldə edirlər.
Hər ay Qazaxıstanın müxtəlif şəhər və regionlarında təşkil olunacaq CEO Lunch Qazaxıstan və Azərbaycanın dövlət və özəl sektorları arasında dialoq üçün əsas vasitələrdən birinə çevrilməklə yanaşı, həmçinin Xəzər-Qara dəniz və Baltik regionu ölkələrinin nümayəndələri ilə qeyri-rəsmi şəraitdə ünsiyyət və yeni işgüzar əlaqələr qurmaq üçün də əlavə imkanlar yaradacaq.
CEO Lunch Aktau-da qeydiyyatdan keçmək üçün www.caspianenergy.org saytına daxil olun.
Sıralarında dünyanın 50 ölkəsindən 5 mindən artıq şirkət və təşkilatı birləşdirən Caspian European Club 2002-ci ilin iyununda yaradılıb. Caspian European Club-un mənzil-qərargahı Bakıda (Azərbaycan) yerləşir. Caspian European Club-un Gürcüstan və Qazaxıstanda rəsmi nümayəndəlikləri, ABŞ və Almaniyada səlahiyyətli nümayəndələri var. Caspian European Club-un yaradıcısı və ilk Sədri Azərbaycan Respublikasının Prezidenti Zati-aliləri cənab İlham Əliyevdir.
E-mail: [email protected]
URL: www.caspianenergy.net; www.caspianenergy.org;
S.Xankişiyeva
